Nagapanawagan ang ginikanan sang 6-anyos nga bata nga lalaki sang hustisya matapos ini napatay, nga ginaalegar kasunod sang pagtampa sang iya manunudlo sa tion sang klase sang Biernes, Agosto 21, 2026.
Suno sa mga report, naakig ang manunudlo sang makita nga indi kompleto ang assignment sang bata.
Ginpahayag nga ginpatawag sang manunudlo ang estudyante, gin-uyatan sa kwelyo sang iya uniporme, kag gintampa.
Samtang nagatindog sa atubang sang manunudlo, ginpahayag nga nadulaan sang animo ang bata kag natumba sa abaga sang manunudlo.
Gilayon ini nga gindala sa ospital apang sang ulihi gindeklarar nga napatay.
Suno sa amay sang bata, mapagros kag mapagsik ang iya bata sang nag-eskwela kag wala sang may ginasuprer nga balatian.
Nagapati ang pamilya nga ang insidente sang pagtampa ang may kaangtanan sa kamatayon sang bata, apisar nga wala pa ginpaguwa sang mga otoridad ang eksakto nga kabangdanan sang iya pagtaliwan.
Padayon ang imbestigasyon sang mga otoridad sa insidente.
