-- ADVERTISEMENT --
Anum ka mga indibidwal ang nadakpan nga nagalapas sa curfew hour sa syudad sang Roxas.
Kalakip diri sanday Mack Manicat sang Poblacion Sur, Ivisan, Capiz; Michelle Simerus sang Bang-Bang St, Barangay 2, Roxas City; Joel Motus sang Burgos Ilawod, Roxas City; Mike Joseph Leonida sang Philippine Railway St., Barangay 9, Roxas City; John Francis Alianza sang Tanza Gua, Roxas City kag 17-anyos nga menor de edad.
Sandig sa imbestigasyon sang Roxas City PNP nalabayan sang nagaroving nga mga pulis ang nahinambitan nga mga indibidwal nga yara pa sa Roxas Avenue bisan disoras na sang gab-i.
Nahibaluan istrikto nga ginapatuman ang curfew hour bangud sa pagtaas sang kaso sang COVID-19 sa syudad sang Roxas.
