Dakop sa akto ang anum (6) tanan ka mga mangingisda matapos nagpatigayon sang illegal nga pagpangisda sa kalalawran nga sakop sang banwa sang Pilar.
Ang wala na ginhingadlan nga mga persona, ang yara sa legal nga pang-edaron kag residente sang Brgy. Balogo, Pilar, Capiz.
Sa nakuha nga impormasyon sang Bombo Radyo nagikan sa Pilar Municipal Police Station, nadakpan sa akto ang mga tripulante nga nagapatigayon sang illegal nga pagpangisda nga ginatawag “Trawl” nga wala sang may nagakaigo nga permit.
Narekober sa ila paghinakop ang isa ka unit sang pump boat nga nagabalor P100,000; isa ka unit sang motor Engine nagabalor P20,000; fishing net with complete accessories nga nagabalor P200,000 kag mas ukon menus 30 kilos sang nagkalain-lain nga sahi sang isda nga ginabulubanta nagabalor sang P75,000.
Sa karon, ang mga nagkaladakpan kag mga nakumpiskar nga mga pagkabutang ang ginturn-over na sa MENRO-Pilar para sa nagakaigo nga disposisyon.
