ROXAS CITY – Wala nakaluwas sa kamatayon ang 69-anyos nga lalaki, matapos ginapahayag nga nakuryente sa Barangay Mianay, Sigma Capiz.
Sa impormasyon nga nakuha sang Bombo Radyo nagikan sa BFP-Sigma, ang nasambit nga biktima ang residente sang Brgy. Poblacion Sur sa nasambit nga banwa.
Mahibaluan nga magapadulong kun tani ang biktima sa water pump agud tsekyaron ini apang bangud mabasa ang lugar ginapahayag nga nadanlog ini kag naka-uyat sa wire rason sang iya pagkakuryente.
Gintinguhaan pa nga gindala sa Mambusao District Hospital ang amu nga biktima apang gindeklarar ini nga dead on arrival sang doctor.
Sa karun padayon pa ang imbestigasyon sang mga otoridad angut sa insidente samtang yara na sa isa ka punerarya ang
bangkay sang biktima sa amu nga lugar.
