Maga- upod man ang 603rd Community Defense Center sang Philippine Army sa patigayunon nga Dugong Bombo 2025: A little Pain a Life to Gain sa Nobyembre 15, 2025 sa Capiz State University-Main Campus.
Sa interview sang Bombo Radyo kay Lieutenant Colonel Ryan Matutina, Director sang 603rd Community Defense Center sang Philippine Army, iya ginpahayag nga nga ang pagdonar sang dugo ang parte sang training nga nagapahanumdom sa responsibilidad sang isa ka katapo sang Philppine Army sa oras sang emerhensya.
Suno pa kay Lieutenant Colonel Matutina, ang pagdonar sang dugo ang isa maayo man nga pamaagi agud nga ma-replenish ang lawas kag mas makabulig nga mapalayo sa mga balatian.
Pahayag pa niya, naka-alerto man ang ila nga talatapan sa pagbulig sa mga local government units kag Disaster Risk Reduction and Management Council kadungan sang pag-igo sang Bagyo Uwan.
Nagapanawagan man ang natungdan nga mangin alerto sa palibot bangud sa indi mapaktan nga lakat sang panahon.
Interview by: Bombo Sunnie Mae Batencila and Bombo Francis Biñas via Good Morning Philippines
