Arestado ang 61- anyos nga lalaki, matapos nga ginserbehan sang mandiamento de aresto sang mga katapo sang Roxas Component City Police Station sa Barangay Dayao, Roxas City.
Ang wala na gihingadlan nga senior citizen ang residente sang nasambit nga lugar.
Ang warrant of arrest ang gin-isyu kag ginpirmahan ni Hon. Esperanza Isabel E. Poco-Deslate sang Regional Trial Court, Branch 14, Roxas City, napetsahan sadtong Oktubre 09, 2018.
Nagapangatubang sa kaso ang akusado sa paglapas sa R.A. 7610 ukon “Special Protection of Children Against Abuse, Exploitation and Discrimination Act”. Wala naman sang ginarekomendar nga pyansa ang korte para sa temporaryo sini nga kahilwayan.
Sa karon, nakahunong sa karsel sang Roxas City PNP ang akusado para sa nagakaigo nga disposisyon.
