ROXAS CITY – Arestado ang 61-anyos nga lalaki, bangud sa iligal nga pagpataya sang isa ka sahi sang sugal sa Poblacion, Dumalag, Capiz.
Ginkilala ang nadakpan kay Fernan Luching, residente sang nasambit nga lugar.
Sandig sa impormasyon nagikan sa Dumalag MPS, nagapatigayon sang operasyon batuk sa iligal nga pasugal ang mga kapulisan, sang akto nila nga nakit-an sa tiyangge ni certain ‘Dodoy’ ang nasambit nga persona nga may bitbit nga gambling paraphernalia, kag sang ginpangitaan sang dokumento pamatuod sa legalidad sang pataya, napaslawan ini nga makapresentar.
Ginpaintindi sa naaresto ang paglapas sini sa Presidential Decree 1602 ukon “Prescribing stiffer penalties on illegal gambling.”
Nakuha sa paghinakop ni Luching ang yellow stab nga may nakasulat nga numero 1-40, ballpen kag P150.00 nga kuwarta sa nagkalain-lain nga denominasyon.
Sa karon, yara ini sa kustodiya sang Dumalag MPS para sa nagakaigo nga disposisyon.
