ROXAS CITY – Wala na sang kabuhi sang masapwan ang isa ka 62-anyos nga mister matapos nga ginaalegar naghikog sa sulod sang ila balay sa Bayot Drive, Barangay 9, Roxas City.
Sa interview sang Bombo Radyo sa 70-anyos nga magulang sang biktima nga magkaupod pa sila nga nagpangape kag nagpamati sang radyo kaina sang mag-aga apang wala ini nagalaom nga utason sang kabuhi ang kabuhi sini.
Ginpahayag pa sini nga wala man nakatuad sa iya ang biktima nga indi na sini masarangan ang ginadala nga problema.
Magluwas diri, nasapwan na lamang ini sang iya hinablos nga wala na sang kabuhi kag nagabitay na.
Ginpahayag sini nga may yara sang nakita nga suicide notes ang hinablos sang biktima rason nga naglibot ini sa likod kag didto nakita nga nagabitan na ang tiyo.
Mahibaluan nga nasaad sa iya suicide notes ginpahayag sini nga kun mapatay siya putson lamang ang iya bangkay sa tela ukon habol kag idul-ong sa iya nga bata nga nabase subong sa Iloilo.
Nagapati naman ang pamilya sang biktima nga posible na-depress ini bangud man sa problema nila sang iya pamilya.
