ROXAS CITY – Nagparekord sa pulisya ang isa ka 62-anyos nga persona matapos nga ginaalegar gin-akusaran sang punong barangay kag barangay kagawad sa Barangay San Jose, Roxas City.
Ginkilala ang tagreklamo kay Gene Divino sang nasambit nga lugar.
Base sa inisyal nga imbestigasyon sang Roxas City PNP nga nagkadto sa Barangay Hall ang amo nga tagreklamo kun sa diin hinali na lamang ini ginhambalan sang punong barangay nga “protector ni Dela Cruz nga presidente sang ila asosasyon” subongman nagdugang pa si brgy. kagawad Blancaflor sang iya mga alegasyon batuk kay Divino sa diin ginaalegar pa sang biktima nga tuyo pa patyon sang amo nga konsehal ang suga sang brgy. hall bangud ginapahayag nga may yara ini sang malain nga himuon sa iya.
Bangud sa natabo, ginpakamaayo na lamang sang tagreklamo nga iparekord sa pulisya ang insidente.
