ROXAS CITY – Arestado ang 63-anyos nga lalaki, matapos nakuhaan sang armas-luthang matapos ang ginkasa nga buy bust operation sa Sitio Centro, Paragon Village, Barangay Dinginan, Roxas City kahapon takna 5:47 sang hapon.
Sa impormasyon nga nakuha sang Bombo Radyo sa Roxas City Police Station, ginkilala ang subject person kay alyas “Lito” kag residente sining syudad.
Mahibaluan, natigayon nga ma-aresto si alyas “Lito” matapos mabaklan ini sang armas luthang pinaagi sa isa ka police poseur buyer kabaylo sang P5,000.00
Nakuha sa paghinakop sini ang isa ka unit sang calibre 45 pistol nga may magazine kag loaded sang 5 ka mga bala.
Sa karon, yara na sa kustodiya sang Roxas City Police Station ang nasambit nga arestado kag natalana nga pasakaan sang nagakaigo nga kaso.
