63 anyos nga lalaki pilason matapos mahit-and-run sa Arnaldo Blvd.

ROXAS CITY – Pilason ang isa ka senior citizen matapos nabiktima sang hit-and-run sa Arnaldo Boulevard, Roxas City.

Ginkilala ang biktima nga si Fernando Detablan, 63 anyos, residente sang Barangay Inzo Arnaldo, Roxas City.

Base sa inisyal nga impormasyon nga nakuha sang Bombo Radyo, magatabok kuntani sa karsada ang biktima gikan sa isa ka mall apang aksidente ini nga nabungguan sang tricycle nga ginamaneho sang wala makilala nga persona.

Bangud diri, nag-angkon sang magkatuhay nga kasamaran sa lawas ang biktima nga gilayon gindala sa Roxas Memorial Provincial Hospital agud dapatan sang nagakaigo nga pagbulong.