63 ka mga indibidwal, patay sa malapnagon nga pagbaha sa Pakistan

Naglab-ot na sa 63 ka tawo ang napatay sa kahalitan sang mabaskog nga bagyo sa probinsya sang Punjab sa Pakistan.

Suno sa National Disaster Management Authority, 290 ka iban pa ang napilasan sa masobra 24 oras nga wala untat nga pag-ulan.

Ang syudad sang Rawalpindi; isa ka kaiping nga lugar sang Islamabad, nagdeklarar nga suspendido ang mga buluthuan kag opisina.

Ang pag-awas sang suba nagtuga sang grabe nga pagbaha bangud sang ulan.

Madamo man sang byahe ang ginkanselar kag ginsiraduhan ang pila ka mga dalanon bangud sa pagbaha.

Padayon ang pag-rescue sang mga otoridad sa mga lugar nga ginbahaan.

Humalin sang Hunyo, naglab-ot na sa 180 ka tawo ang napatay bangud sa pag-ulan sa diin katunga sini ang mga kabataan.