64-anyos nga babaye, arestado sa bangud sa ilegal nga pagpataya sa Roxas City

Arestado ang isa ka babaye bangud sa ginapahayag nga ilegal nga pagpataya sa Barangay Tiza, Roxas City.

Ang arestado amo si alyas Alejaga, 64-anyos kag residente sang nasambit nga lugar.

Sa interview sang Bombo Radyo Roxas kay Police Lieutenant Colonel Rogelio L. Tomagtang Jr., hepe sang Roxas City Police Station, iya ginpahayag nga na-aktuhan ang suspek nga nagapataya sang Small Town Lottery ukon STL.

Suno kay Tomagtang, narekober sa suspek ang isa ka claim stub nga may numero sang pusta, isa ka blangko nga claim stub kag isa ka notebook.

Nagpanawagan naman ang natungdan sa publiko nga likawan ang ilegal nga mga aktibidad kag gilayon nga mag report sa mga autoridad kun may nabal-an sang nagapatigayon sang ilegal nga pagsugal.