64-anyos nga lalaki arestado matapos nadakpan nga illegal nga nagapataya sang ‘bookies’ sa banwa sang Dumalag

DUMALAG, CAPIZ – Arestado ang 64-anyos nga lalaki matapos nga nadakpan nga illegal nga nagapataya sang ‘bookies’ sa Barangay Poblacion Ilaya, Dumalag, Capiz.

Ginkilala ang arestado kay Adreano Feolog sang Barangay Dolores, Dumalag, Capiz.

Base sa inisyal nga imbestigasyon sang Dumalag PNP nga samtang nagapatigayon sang foot-patrol ang mga kapulisan sa sulod sang merkado publiko sang nasambit nga lugar sang ila nadakpan ang nasambit nga suspek.

Narekober naman sa posisyon sang suspek ang isa ka ballpen, P100 nga kwarta sa pagpataya kag STL paraphernalia.

Sa karon yara na sa kustodiya sang Dumalag PNP si  Feolog para sa nagakaigo nga disposisyon.