64-anyos nga persona, pilason matapos aksidente nga nahukas ang kadena sang ginamaneho sini nga tricycle

ROXAS CITY – Pilason ang 64 anyos nga persona matapos aksidente nga nahukas ang kadena sang ginamaneho sini nga tricycle sa Barangay Indayagan, Maayon, Capiz.

Ginkilala ang biktima kay Epifanio Amoroso, residente sang Barangay Agloway, Panitan, Capiz.

Base sa inisyal nga imbestigasyon nga samtang ginasubay sang biktima ang dalanon, hinali na lamang nga nahukas ang kadena sang tricycle sini rason nga nadulaan ini sang kontrol sa manubela rason nga natumba ini sa dalan.

Bangud diri, nag-angkon sang kasamaran sa ulo ang amo nga biktima nga gindala man sa malapit nga ospital agud madapatan sang nagakaigo nga pagbulong.