Ginabinag-binag na sang halos 2/3 sang Filipino employees nga mag-ilis sang trabaho.
Base sa 2025 Human Capital Employee Sentiment Study sang Global Risk Management and Insurance Brokerage firm nga Aon, 64% sang survey respondents sa Pilipinas ang nagpahayag nga yara na sila sa proseso sang pagpangita sang iban nga employer ukon bag-o nga trabaho sa masunod nga tuig.
Sa tuman nga talent competition, ginhatagan pagtamod sang Aon ang kinahanglanon sang focus sa total rewards agud ma-retain kag indi mag-resign ang mga empleyado.
Suno kay Aon Growth Lead for Talent Solutions Josef Ayson, hugot ang skill competition sa bug-os nga pungsod, indi lamang sa Maynila kun sa diin readily available na ang skills, kundi mangin sa mga syudad sang Cebu kag Davao.
Base sa pagtuon, top five valued benefits sang mga empleyado sa Pilipinas ang medical coverage, paid time off, work-life balance programs, career development kag retirement savings.
