DUMARAO CAPIZ – Patay ang 65-anyos nga lalaki, matapos ginapahayag nga ginbungguan samtang nagatabok sa dalan sa Brgy. Sibariwan, Dumarao, Capiz.
Sa interview sang Bombo Radyo sa imbestigador sang Dumarao Municipal Police Station nga si PSSG Genel Soberano, ginpahayag sini nga ginkilala ang biktima kay alyas “Daniel”, residente sang nasambit nga lugar.
Suno kay Soberano, sang natabo ang insidente aksidente ini nga nabungguan ni alyas “Ruthil”, 43-anyos nga padulong kun tani sa Barangay Tina sa amu nga banwa.
Bangud sa impact sang pagkabunggo, nag-angkon sang pilas sa magkatuhay nga parte sang lawas ang senior citizen.
Madasig naman ini nga ginpadangat sa pinakamalapit nga ospital para sa nagakaigo nga pagbulong apang ginbawian ini sang kabuhi.
Sa karun nagapabilin sa kustodiya sang Dumarao MPS ang motorsiklo para sa nagakaigo nga disposisyon.
Samtang indi naman magpasaka sang kaso ang pamilya sang biktima kag luyag lamang sini nila nga bayaran ang tanan nga gastos sa ospital.
