65-anyos nga tigulang arestado sa kaso nga Estafa

ROXAS CITY – Arestado ang isa ka 65 anyos nga tigulang matapos nga ginserbihan sang warrant of arrest sa Sitio Lawis, Barangay Baybay, Roxas City.

Ginkilala ang naaresto kay Lite Teorica sang nasambit nga lugar.

Kaso nga estafa ang ginapangatubang nga panumbungon sang nasambitan nga akusado.

Ang nasambit nga warrant of arrest ginpirmahan kag gin-isyu  ni Hon. Ignacio Alajar, Presiding Judge sang RTC, 6th Judicial Region Branch 18, Roxas City sadtong Pebrero 7, 2013.

Ginrekomendar naman sang korte ang P16,000 nga piyansa para sa temporaryo nga kahilwayan ni Teorica.

Sa karon, nakahunong na ini sa karsel sang Roxas City Police Station para sa nagakaigo nga disposisyon.