Naglab-ot sa 66 ka tawo ang napatay samtang 51 ka iban pa ang pilason matapos ang nagluntad nga sunog sa isa ka ski resort sa northwestern Turkey.
Suno kay Interior Minister Ali Yerlikaya, tuman ang ila nga kasubo sa natabo nga sunog sa Kartalkaya resort sa Bolu province.
Kadam-an sa mga biktima ang pareho nga mga nagabakasyon kun sa diin napatay ang iban matapos nga naglumpat sa bintana.
Nabudlayan naman ang mga bumbero nga palungon ang kalayo bangud nga himo sa madamol nga bato ang 12 ka panalgan nga hotel.
Nahibaluan nga ginadugukan ang nasambit nga resort kada holiday kag bakasyon sang mga estudyante halin Enero tubtob sa una nga semana sang Pebrero.
Naglab-ot sa 30 ka fire trucks kag 28 nga ambulansya ang nagresponde kalakip ang 267 nga mga emergency personnel agud tapnaon ang sunog. Padayon nga ginahibalo sang mga otoridad ang gintunaan sang amu nga sunog.
