Opisyal na nga ginbuksan ang 66th Palarong Pambansa subong nga Domingo, Mayo 24, sa Agusan del Sur, kon sa diin nagtililipon ang masobra 10,000 ka mga student-athletes gikan sa 18 ka mga rehiyon sa pungsod, lakip na ang National Academy of Sports kag Philippine Schools Overseas.
Ginalauman nga magahatag sang una nga mga medalya ang Athletics, nga ginhiwat sa Datu Lipus Makapandong Gov. D.O. Plaza Sports Complex.
Lakip sa mga una nga paindis-indis amo ang secondary girls’ 3,000-meter run kag long jump, subong man ang javelin throw kag shot put.
Samtang, lakip sa mga bag-o nga medal sports subong nga tuig amo ang weightlifting, samtang ang football para sa mga dalagita sa sekondarya kag futsal para sa mga dalagita sa elementarya ang gindugang man.
Ang karate, kickboxing, kag soft tennis ginpresenta man bilang demonstration sports, samtang ang muay thai kag pila ka mga Para Games events pareho sang sitting volleyball kag table tennis igapakita bilang exhibition events.
