BOMBO ROXAS – Nagpabalhag sa Roxas City Police Station ang isa ka 67 anyos nga iloy matapos ang ginapahayag ginpahug nga patyon sang isa ka Barangay Peacekeeping Action Team (BPAT) member sa Barangay Sibaguan, Roxas City.
Ginkilala ang tagreklamo kay Anselma Ariñez akg residente man sang nasambit nga lugar.
Sandig sa ginpabalhag ni Ariñez, ginaalegar nga ginpahug ini kaupod ang bana nga si Jose Ariñez sang ginareklamo nga si Elejarde Ariñez, 55 anyos kag residente man sang amo nga lugar bangud sa wala paghatag sang amot sang mag-asawa sa lubong sang gumangkon sang suspek.
Dugang pa sang tagreklamo nga indi pa sila makahatag sang bayad bangud nagapabilin pa sa karon sa ospital ang anak nila nga isa man sa nangin biktima sang nagluntad nga aksidente sang nakaligad nga Disyembre 26, 2020.
Bangud sini, ginpakamaayo sang tagreklamo nga ipabalhag sa mga kapulisan ang nasambit nga insidente.
