Roxas City – Nagparekord sa Roxas City PNP ang 36 anyos nga security guard sang isa ka buluthuan diri sa siyudad matapos ginaalegar nga nadula ang microphone kag amplifier nga nagabalor sang 38 mil pesos.
Ginkilala ang tagreklamo kay Armilo Panga sang Barangay Bolo sining siyudad.
Ginaalegar ni Panga nga samtang nagaroving ini sang gab-i sa eskwelahan wala man ini sang may nakita nga problema sa lugar.
Apang, nahibaluan nga nag-imporma ang sekretarya sang principal office sa kaupod sini nga security guard nga nadula ang isa ka amplifier kag microphone nga nagabalor sang 38,000 mil pesos nga nahamtang sa sulod sang nasambit nga opisina.
Sa karon, padayon ang imbestigasyon sang mga kapulisan sa insidente.
Samtang, ginapahayag nga ang isa ka janitor lamang ang may hawid sang duplicate nga yabi sang nasambit nga opisina magluwas sa principal.
