IVISAN, CAPIZ – Nag-angkon sang bali sa nawala nga tiil ang isa ka 52 anyos nga lalaki matapos nga ginaalegar naigu sang kahoy nga gina-chainsaw sa Barangay Malocloc Sur, Ivisan, Capiz.
Ginkilala ang biktima kay Francisco Barbales, 52 anyos sang Barangay Matnog sang nasambit nga banwa.
Base sa inisyal nga imbestigasyon nga nagapang-chainsaw ang biktima sang nagpahayag ang kaupod sini nga si Arjie Ugas, 30 anyos sang Barangay Agmalobo, Ivisan nga magpalayo bangud posible ini nga maigo sang kahoy nga gina-chainsaw.
Apang wala nagpati si Barbales kag sang nautod na ang kahoy nga gina-chainsaw ni Ugas, nag-umpok ang kahoy pakadto sa biktima kag naigo ang nawala sini nga tiil.
Gilayon man nga ginrespondehan ang biktima kag gindapatan sang nagakaigo nga pagbulong.
