ROXAS CITY – Masobra 50 ka tuig na nga nagabaligya sang kandila ang isa ka 69-anyos nga amay sa Brgy. Banica, Roxas City.
Ginkilala ang amu nga nagabaligya sa kay tatay Renato nga residente man sang nasambit nga barangay.
Sa pagpakig-angut sang Bombo Radyo News Team kay tatay Renato, ang pagbaligya sang kandila ang ila sini nga pangabuhianan kun sa diin amu man ang ginakuhaan nila sang ila inugbakal sang pang adlaw-adlaw nga kinahanglanon.
Dugang pa sini nga sa subong nga adlaw pigado pa ang ila sini nga pagbaligya bangud malaka palang ang mga nagapadulong sa patyo para nga magsindi sa ila pinalangga nga mga himata.
Samtang ang kandila naman sini nga ginabaligya ang ginabuligan nila sang iya asawa nga himuon sa diin ang 40 kabilog nga kandila nga ginaubra sini ang nagadugay sang 20 minutos antes mahuman.
Apisar mabudlay ang kabuhi suno kay tatay Renato padayon sa gihapon ini nga nagatimakas nga makabaligya agud mabuhi ang ila pamilya kaupod ang asawa sini kag tatlo ka mga apo.
