-- ADVERTISEMENT --
ROXAS CITY – Nagapaligo sa kaugalingon nga dugo sang nasapwan-patay ang 69-anyos nga mangunguma kaina takna alas-7 sang aga sa Sitio Ilawod, Barangay Parian, Sigma, Capiz.
Ginkilala ang biktima kay Vergillio Calipayan Surallo kag residente sang nasambit nga Barangay.
Ba-se sa imbestigasyon sang Sigma PNP, nadiskubrehan ni Jose Calipayan Surallo, utod sang biktima nga nagahigda si Vergillio kag wala na sang kabuhi sa sulod mismo sang iya puluy-an.
Nagapadayon pa sa karon ang imbestigasyon angut sa insidente.