ROXAS CITY – Natigayon nga makabenepisyo ang 696 ka mga student in-crisis sa Capiz sang educational assistance nagikan sa Department of Social Welfare and Development (DSWD), sa ikaduha nga hugnat sang tagtaganay, sang Agosto 27.
Ini ang ginkumpirmar ni Atty. May Rago-Castillo, tagpamaba sang DSWD Region-VI, sang mainterview sang Bombo Radyo.
Suno diri, ginakabug-osan ini sang 140 ka mga estudyante sa elementarya; 139 sa high school; 77 sa Senior high school kag 340 sa College, nga may pondo nga P2,009,000.00.
Ginpahayag man sini nga 1,200 ang ila ginpadal-an sang text messages sa sina nga schedule apang 696 lang ang madinalag-on nga nakabaton sang ayuda.
Posible suno diri nga wala makapasar sa assessment sang ahensiya ukon wala na nagpadulong ang iban bangud sa mga rason kaangay sang – 4P’s beneficiaries ukon scholar kag ang iban ang napaslawan nga magdala sang authenticated nga dokumento pag-abot sa venue.
