ROXAS CITY – Nagalab-ot na sa 7, 674 ka mga kabalayan sa siyudad sang Roxas nga totally-damaged sang naglaslas ang bagyo nga Ursula ang natigayon nga ma-validate sang composite team nga gintukod sang gobyerno sang siyudad.
Mahibaluan nga sandig sa una nga datos sang mga kabaranggayan sa siyudad, nagalab-ot sa 7, 791 ka mga kabalayan ang totally-damaged.
Sa ika-14 ka adlaw sang balidasyon, 46 sa 47 ka mga kabaranggayan sa siyudad ang natigayon nga mapadulungan sang grupo kag ang Barangay Olotayan ang katapusan sini nga padulungan subong nga adlaw.
Sandig sa datos sang City Disaster Risk Reduction and Management Office (CDRRMO), 59 ka mga kabalayan ang totally damaged sa Barangay Bato; 151 sa Tanza; 130 sa Banica; 410 sa Culasi; 319 sa Cogon; 59 sa Punta Cogon; 134 sa Baybay; 290 sa Dumulog; 113 sa Gabuan; 212 sa Mongpong; 159 sa Culajao; 103 sa Barangay Inzo Arnaldo; 399 sa Libas; 153 sa Barra; 138 sa Dayao; 167 sa Cagay; 160 sa Punta Tabuc; 10 sa Liong; 59 sa Adlawan; 55 sa Loctugan; 158 sa Bago; 33 sa Jumaguicjic; 52 sa San Jose; 245 sa Lanot; 422 sa Bolo; 685 sa Lawaan; 85 sa Talong; 108 sa Balijuagan; 262 sa Sibaguan; 81 sa Cabugao; 53 sa Lonoy; 718 sa Dinginan; 52 sa Tanque; 423 sa Tiza; 639 sa Milibili; 30 sa Barangay 1; 4 sa Barangay 2; 3 sa Barangay 3; 4 sa Barangay 4; 69 sa Barangay 5; 11 sa Barangay 6; 23 sa Barangay 7; 14 sa Barangay 8; 28 sa Barangay 9; 45 sa Barangay 10 kag wala sa Barangay 11.
Mahibaluan nga may yara sa karon sang nabilin nga kapin P13 milyones nga pondo ang gobyerno sang siyudad nga mahimo gamiton para sa mabuligan ang mga nahalitan sang bagyo.
Mahibaluan nga sa amo nga validation, ginsunod ang pagsulundan sang DSWD sa pag-classify sa totally damaged nga mga balay.
Matandaan nga 15 diyas ang ginhatag ni Mayor Ronnie Dadivas agud tapuson ang pag-validate sang mga totally damaged nga mga kabalayan sa siyudad.
Matapos ang validation sa mga kabaranggayan, gilayon ini nga iga-endorso sa talatapan sang DSWD.
