Lima ka mga tawo ang na-rescue kasunod sang landslide sa Guidag-Surong syudad sang Baguio sang gab-i sang Dominggo, Agosto 9, sa tunga sang wala untat nga pag-ulan.
Suno sa Baguio City Public Information Office, natabu ang landslide pasado alas 7:00 sang gab-i kag gin-igo ang tatlo ka balay nga ginapuy-an sang lima ka pamilya.
Base sa impormasyon gikan sa Baguio City Police Office, nagapabilin nga missing ang pito ka iban pa nga mga indibidwal matapos nga nalubong ang mga puluy-an sang nagakarumpag nga duta.
Suno kay Baguio City Mayor Benjamin Magalong, gindeploy na sa lugar ang personnel sang City Disaster Risk Reduction and Management Office, Baguio City Fire Station, Baguio City Police Office, kag mga barangay first responders agud padayunon ang search and rescue operations.
