7 ka mga indibidwal, patay samtang 13 ang pilason sa aksidente sa hydropower project tunnel sa India

Patay ang Pito ka mga trabahador kag 13 ka iban pa ang napilasan kasunod sang aksidente sa tunnel sa isa ka hydropower project nga ginatukod sa estado sang Uttarakhand, northern India.

Suno sa mga lokal nga opisyal, hinali nga nagsulod ang tubig kag mga debris sa tunnel kasunod sang pagtiphag sang duta nga nag-trap sa mga trabahador sa sulod sang construction site.

Suno sa State Disaster Management Authority sang India, tatlo pa ka mga trabahador ang missing.

Sang nagligad nga bulan, 20 ka mga mamumugon ang napatay man sa isa pa ka tunnel nga kabahin sang state-run hydroelectric project sa estado sang Sikkim sa northeastern part sang India.

Sa subong, padayon ang search and rescue operation sang mga otoridad sa nasambit nga tunnel.