ROXAS CITY – Ginpaidalum sa self-quarantine ang pito ka mga katapu sang Philppine Coastguard matapos naka close contact ang isa nila ka myembro nga nagpositibo sa COVID-19 Disease.
Ini ang ginpahayag ni Lieutenant Commander Edison Diaz, Station Commander sang Phiippine Coastguard ukon PCG Capiz.
Suno kay Diaz tatlo ka mga myembro sang Philippine Coastguard Pilar Substation ang naka self quarantine kag wala ginapahanugutan nga makaguwa sa station.
Apang gin-athag ni Diaz nga yara sa maayo nga kondisyon ang 3 ka mga coastguards kag wala sang may nabatyagan nga anuman nga sintomas sang COVID-19.
Samtang nagpaidalum man sa self quarantine ang apat ka mga katapu sang Philippine Coastguard Culasi Station matapos nga naka close contact man sa nagpositibo sa COVID-19.
Suno kay Diaz ang apat ka miyembro sang Philippine Coastguard Culasi Station ang nagdala sa biktima sa ospital.
Ginkalipay naman ni Diaz sang mahibaluan nga yara na sa estable nga kondisyon ang nagpositibo sa COVID-19 nga katapu sang Philippine Coastguard sa Western Visayas Medical Center sa syudad sang Iloilo.
Matandaan nga isa ka katapu sang Philippine Coastguard ang isa sa 4 nga nagpositibo sa covid-19 nga nagapauli sa Altavas, Aklan.
