Indi magnubo sa pito ka tawo lakip ang tatlo ka mga kabataan ang napatay matapos nga gin-igo sang drone attact sa baybayon sa Arkhipo-Osipovka sa Krasnodar region sa southern Russia.
Suno sa mga otoridad, 40 ang pilason, sa diin 17 diri ang gindala sa ospital.
Gin-akusahan sang gobernador sang Krasnodar ang Ukraine sang “deliberate strike on civilians,” apang wala pa sang pahayag ang Kyiv nahanungod sa insidente.
Ang mga video nga nagalapta sa social media nagapakita sang pag-crash sang drone sa baybay kag naglupok samtang madamo nga mga turista ang yara sa higad sang baybayon kag nagapaligo sa dagat.
Indi pa maathag kon ano ang tuyo nga target sang drone base sa pila ka mga report nga mahimo ini nahulog sa baybayon pagkatapos nga naapektuhan sang electronic jamming ukon naigo sang mga depensa sa kahanginan sang Russia.
Ginpahayag sang mga nakasaksi sa lugar nga wala sang nagtunog nga sirena antes natabo ang insidente.
