Ginbuyagyag sang Department of Transportation (DOTr) nga mas madamo pa sang paluparan sa pungsod ang ipadalom sa privatization.
Sa Malacañang press briefing, ginpahayag ni Transportation Secretary Jaime Bautista nga yara sa pito tubtob 15 pa nga airport sa pungsod ang target nila nga isapribado.
Kalakip diri ang Bohol-Panglao International Airport, nga magatakop na ang Swiss challenge period sa November 11.
Samtang, ginahulat na lang ang National Economic and Development Authority (NEDA) approval para sa privatization sang Iloilo International Airport.
Kalakip man sa ipaidalom sa privatization ang Davao International Airport kag Kalibo International Airport.
Kahapon, ginpirmahan sang DOTr, Civil Aviation Authority (CAA) kag sang Aboitiz InfraCapital ang 30 ka tuig nga Public-Private Partnership Project Concession Agreement para sa operations kag maintenance sang Laguindingan airport sa Misamis Oriental.
Suno sa DOTr, ginalauman nga maga-income ang gobyerno sang P3.7-B sa kasugtanan nga ini ukon P47-M sa una nga tuig kag sa mga masunod pa nga tuig kag 3% nga share sa gross revenues.
