Patay ang isa ka 70-anyos nga lalaki matapos nakabunggo sa traffic sign sa Sitio Pinamantawan, Barangay Mianay, Ivisan, Capiz.
Ang biktima amo si alyas ‘Manuel’ residente sang Kalibo, Aklan, apang temporaryo nga nagapuyo sa Barangay Bolo, Roxas City.
Sa interview sang Bombo Radyo Roxas kay Police Major Rile F. Villariez, Officer in charge sang Ivisan Municipal Police Station, iya ginpahayag nga halin ang biktima sa banwa sang Ivisan kag padulong kuntani sa banwa sang Sigma sang nagluntad ang insidente.
Bangud sini, nadulaan sang kontrol ang biktima sa iya ginamaneho nga motorsiklo kag nagtabog sa dalan.
Bangud sa mabaskog nga impact nag-angkon ini sang pilas sa ulo nga gintunaan sang iya kamatayon.
Gintunguhaan pa ini nga dal-on sa ospital apang gindeklara ini nga dead on arrival.
Nagpahanumdom naman ang natungdan sa mga motorista nga pirmi magsuksok sang helmet sa tion sang pagbiyahe kag magsunod sa mga safety driving rules kag precautionary measures agud malikawan ang disgrasya sa dalanon.
