700 RT-PCR test results sang probinsiya nagapabilin nga pending sa Western Visayas Medical Center

ROXAS CITY – Kapin sa 700 ka mga Real Time-Polymerase Chain Reaction ukon RT-PCR test results sa probinsiya ang wala pa napaguwa sang Western Visayas Medical Center.

Ini sandig sa case bulletin nga ginpaguwa sang Capiz Provincial Health Office ukon PHO.

Nahibaluan naglab-ut na sa 692 ka mga RT-PCR Test ang nagapabilin nga pending sa nasambit nga ospital.

Sa nasambit nga numero, 379 ang pending results sa mga  Locally Stranded Individuals ukon LSI’s, 179 sa mga Returning Overseas Filipinos, 94 sa mga High Risk Contacts, kag 9 naman sa mga Authorized Person Outside Residence ukon APOR.