72-anyos nga tigulang patay sang nahapit sang motorsiklo sa Capiz

ROXAS CITY – Patay ang 72-anyos nga tigulang matapos nahapit sang isa ka motorsiklo sa banwa sang Ivisan, Capiz

Nag-angkon sang pilas sa ulo ang biktima nga si Carlito Catimbang sang Sitio Pinamasawan, Barangay Ilaya, Ivisan, Ivisan, Capiz.

Nahibaluan nga nagalakat sa kilid sang dalan ang biktima sang masideswiped sang motorsiklo nga ginamaneho ni Aron Amores Jr., 22-anyos sang Barangay Nasunugan, Dao.

Ginaalegar nga bangud tuman ka dasig ang pagpadalagan ni Amores sang motorsiklo nagtabog ang biktima kag nabunggo ang iya ulo sa semento.