ROXAS CITY – Arestado ang 73- anyos nga babayi matapos nga nadakpan sa akto nga nagapataya sang STL ‘bookies’ sa Sitio Dupaks, Barangay Poblacion, President Roxas, Capiz subong nga adlaw, Setyembre 22.
Ginkilala ang arestado kay Nenita Gumarao, residente sang Sitio Maruksi, Brgy. Poblacion sa amu nga banwa.
Nadakpan ang arestado matapos ang ginpatigayon nga Anti-Illegal Gambling Operation sang Pontevedra MPS.
Narekober sa posesyon sini ang 1 ka notebook, 1 ka ballpen kag P20 nga kuwarta.
Magapangatubang ang suspek sa kaso nga paglapas sa PD 1602 sang RA 9287 ukon “An Act Increasing The Penalties For Illegal Numbers Games & Its Implementing Rules”.
Nagapabilin ini sa karon sa kustodiya sang President Roxas Municipal Police Station para sa iya temporaryo nga disposisyon.
