Naglab-ot sa 738 ka mga pulis sa probinsiya sang Capiz ang nabakunahan sang Johnson & Johnson vaccine sa ikatatlo nga hugnat sang Provincial Mobile Vaccination activity nga ginpatigayon sa Villareal Stadium.
Ginpahayag ni Police Col. Laudemer Llaneta, provincial director sang Capiz Police Provincial Office target nila nga mabakunahan ang kapin sa 400 ka mga pulis, apang naglab-ot na sa 738.
Prayoridad man nga mabakunahan suno kay Llaneta ang mga pulis nga yara nahamtang sa mga border control area sang probinsiya kasubong sa Pilar, Sapian kag Dumarao.
Wala man sang police personnel nga nagpamalibad nga magpabakuna bangud ila nahibaluan ang proteksyon nga mahatag sa ila. Samtang magluwas sa mga pulis sa probinsiya kalakip man sa nabakunahan ang highway patrol group, Roxas City airport personnel kag CIDG.
