Ginpahayag ang pagpasalamat kag pagkilala sa 76 ka mga empleyado sang Roxas City Government nga nagretiro na matapos ang malawig nga tinuig nga pagserbisyo sa gobyerno.
Sa ginpatigayon nga programa nga may tema nga “Salamat, Mabuhay 2026,” ginhatagan sang pagpasidungog ang mga retirado bilang pag-ila sa ila mga sakripisyo kag kontribusyon sa pag-uswag sang syudad.
Ginpahayag sang Roxas City Government nga daku ang nangin papel sang tagsa ka empleyado sa pagpauswag kag pagpalig-on sang mga serbisyo kag programa sang lokal nga panguluhan.
Gindugang pa nga tion na para sa mga retirado nga hatagan sang dugang nga panahon ang ila kaugalingon kag pamilya, kag himuon ang mga butang nga wala nila nahimo sang sila pa ang nagaserbisyo.
Bisan natapos na ang ila pagserbisyo sa gobyerno, padayon nga dumdumon kag pasidunggan ang ila dedikasyon, pagpanikasog kag mga kontribusyon sa syudad.
