76 Patay sa nasunog nga barko sa Coron, 13 ka mga sakay gapabilin sa gihapon nga missing

Nagsaka na sa 76 ang napatay, samtang 13 ang missing kag 43 naman ang nakaluwas sa pagkasunog sang barko nga MV June Aster sa kadagatan sang Coron, Palawan sang Setyembre 9, 2026.

Suno sa Philippine Coast Guard ukon PCG, 134 ka tawo ang yara sa barko, 117 naman ka mga pasahero kag 17 ka crew.

Nakarekober sang rescue teams ang dugang nga 41 ka bangkay nga gindala sa pantalan sang Coron.

Ang MV June Aster nga gina-panagiyahan sang Atienza Interisland Shipping Lines naghalin sa Baseco, Manila kag padulong sa Coron sang natabo ang insidente.

Padayon ang search and rescue operations para sa mga missing, samtang gina-imbestigahan man sang mga otoridad ang posible nga gintunaan sang sunog.