ROXAS CITY -Nagnegatibo sa coronavirus disease (COVID-19) ang kabug-usan nga empleyado sang Capiz Provincial Health Office kag Department of Health nga naka close-contact sang 32-anyos nga health worker nga una nga nag-positibo sa nasambit nga balatian.
Ini ang ginkompirmar ni Mr. Ayr Altavas, Public Information Officer (PIO) sang Capiz PHO sang mainterview sang Bombo Radyo.
Ginpahayag ni Altavas nga ginpaidalum sa Real-Time Polymerase Chain Reaction (RT-PCR) test ang 77 ka mga empleyado sang PHO kag DOH kag lunsay nag-negatibo ang mga ini.
Gindugang pa ni Altavas nga ang nobya sang nag-positibo nga health worker kag 7 ka iban pa nga mga kaupdanan sini sa balay ang nag-negatibo man sa RT-PCR Test.
Apang gin-athag sini nga may yara pa sang 17 ka mga High Risk Contacts (HRC’s) nga ginahulat pa ang resulta sang RT-PCR test.
Samtang nagapabilin pa sa Roxas Memorial Provincial Hospital ang health
worker sa pihak nga nag-negatibo na ini RT-PCR Test kag liwat nga ipaidalum sa nasambit nga test.
