78-anyos nag-angkon sang pagpalanakit sa kalawasan matapos nga ginaalegar ginsumbag sa Brgy. San Jose, Roxas City

ROXAS CITY – Nagpabalhag sa Roxas City Police Station ang isa ka 78-anyos nga senior citizen matapos nga ginaalegar ginsumbag sa Barangay San Jose, Roxas City.

Ginkilala ang tagreklamo nga si Ruperto Barcenilla sang nasambit nga lugar.

Sandig sa ginpabalhag sang tagreklamo nga samtang nagainom ang suspek nga si Michael Agupitan 34-anyos sang amo nga lugar ginapahayag nga nagpangayo sang kwarta ang tagreklamo apang ginhatagan ini sang plastic bag sang suspek.

Apang, ginhaboy naman ini sang tagreklamo rason nga naakig ang suspek kag ginsumbag si Bercenilla.

Bangud diri, ginpakamaayo na lamang nga iturn-over sang mga tanod sang ila barangay ang duha ka nasmabit nga persona sa Roxas City Police Station para sa nagakaigo nga disposisyon.