79-anyos nga lalaki nga nagapangatubang sa kaso nga Robbery, boluntaryo nga nagsungka sa mga kapulisan sa Banwa sang Cuartero  

Boluntaryo nga nagsungka sa Cuartero MPS ang isa ka 79-anyos nga lalaki nga akusado sa kaso nga Robbery with Violence Against or Intimidation of Persons sa Barangay Poblacion Ilawod, Cuartero Capiz.

Ang wala na ginhingadlan nga akusado ang residente sang Barangay Putian, Cuartero Capiz.

Ang warrant of arrest ang ginpapanaog kag ginpermahan ni Hon. Judge Kristine B. Tiangco-Vinculado, Presiding Judge, RTC Branch 16, Roxas City.

Samtang, ginrekomendar sang korte ang piyansa nga yara sa P100,000 para sa temporaryo nga kahilwayan sang akusado.

Sa karon, nagapabilin nga nakahunong sa Cuartero MPS ang amo nga akusado para sa nagakaigo nga disposisyon.