Gin-report sang United Nations Human Rights Office nga naglab-ot na sa 798 ka mga tawo ang napatay sa mga lugar nga ginapanagtag ang bulig kag sa palibot sang humanitarian convoy sa Gaza.
Suno sa tigpamaba sang UN Human Rights Office, Ravina Shamdasani, 615 ang napatay malapit sa mga lugar sang Gaza Humanitarian Foundation (GHF) kag 183 sa mga ruta nga ginaagyan sang mga aid convoy.
Ang GHF isa ka organisasyon nga ginasuportahan sang Estados Unidos kag Israel, nga nagagamit sang pribado nga mga kompanya sang seguridad kag logistics sang Amerika sa pagkuha sang bulig sa Gaza, nga masami nagalikaw sa sistema sang bulig nga ginapangunahan sang UN.
Ginpakamalaot man sang UN bilang “inherently unsafe” kag nagalapas sa prinsipyo sang humanitarian impartiality.
Nahibaluan nga halin sang katapusan sang Mayo, ang GHF nagsugod sa pagpanagtag sang pagkaon sa Gaza, kag ginpanginwala sini nga may yara sang insidente sa ila nga mga lugar.
