ROXAS CITY – Aminado ang tagdumalahan sang Department of Health-Capiz, nga gamay ang nagapabakuna sang booster shot sa mga eligible population, sa probinsya.
Ini ang ginpahayag ni Mr. Joeffrey Espiritu, information officer sang DOH-Capiz, sang mainterview sang Bombo Radyo.
Apang, may ginahimo man suno diri nga tikang ang mga nagkalain-lain nga LGU agud maengganyo ang pumuluyo nga magpaturok sang booster shot, kaangay nalang sa pagpadulong sa kabarangayan agud e-eksplekar ang ka-importansya sang booster doses.
Sandig sa datos sang ahensya napetsahan Hulyo 6, sini nga tuig, may kabug-osan nga 12,437 ang kaso sang COVID-19, 11,894 diri ang nakarekober, 521 ang nagkalamatay, kag may yara sa karon sang 22 nga aktibo nga kaso sang nasambit nga virus.
