ROXAS CITY – Dakop sa akto nga nagapatigayon sang iligal nga pagpangisda ang 8 tanan ka mga mangingisda sa kalalawran nga bahin sang banwa sang Panay.
Sa nakuha nga impormasyon nagikan sa PANAY Municipal Police Station, ginkilala ang mga nagkaladakpan nga sanday James Onilan, 30-anyos, Jemar Hangor, 24-anyos, Robert Villanueva, 63-anyos, Mary Ann Villanueva, 60-anyos, Rene Catalan, 59-anyos, Lowel John Dela Cruz, 30-anyos, Dizon Asuelo, 25-anyos, kag Justine Borines, 21-anyos lunsay mga residente sang Barangay Casanayan, Pilar, Capiz.
Nakuha sa paghinakup sang mga nagkaladakpan ang apat ka fishing boat, nanasari-sari nga mga isda kag fishing paraphernallias.
Sa karon, yara na sa kostudiya sang Municipal Environment and Natural Resources Office sang banwa sang Panay ang mga narekober sa mga nadakpan para sa nagakaigo nga disposisyon.
