ROXAS CITY – Pilason ang walo tanan ka mga persona matapos nga nalagbong sa karsada ang ginasakyan nga jeep sa Barangay Parian, Sigma, Capiz.
Ginkilala ang biktima nga sanday Nelson Vipinosa, driver sang nasambit nga jeep, mga pasahero sini nga sanday Ricky Zonio-40 anyos, Edna Gapi, Alcyonie Chloe Nicole Gapi-4 anyos, Herminigilda Libuna-66 anyos, Rolando Libuna-71 anyos, Romela Yulo-32 anyos, kag Cherry Perialde-17 anyos.
Ba-se sa inisyal nga imbestigasyon sang Sigma Municipal Police Station, samtang ginasubay sang amo nga jeep ang karsada, nadulaan sang kontrol sa manibela ang kasugata sini nga van nga ginamaneho ni Ricardo Belmin, 29 anyos kag aksidente nga nabungguan ang jeep.
Didto kag nadulaan man sang kontrol sa manibela si Vipinosa rason nga nahulog sa national highway ang ginamaneho sini nga jeep.
Nag angkon sang kasamaran sa lawas ang driver sang jeep kag ang pito sini ka mga pasahero nga gilayon gindala sa ospital agud madapatan sang nagakaigo nga pagbulong.
