Isa na naman ka istorya ang makapulukaw sang balatyagon sang iban matapos ang isa ka 82-anyos nga lolo nga si Chen Achong ang padayon nga nagabisita sa iya asawa sa intensive care unit ukon ICU.
Sa sulod sang 105 ka adlaw, nagabugtaw si Chen sang alas 4:30 sang aga agud maghanda sang pagkaon kag magbiyahe sang pila ka kilometro sakay sa bus.
Ginahimo niya ini agod makaupod niya ang iya asawa bisan pa 30 minutos lamang ang natalana nga tion sang pagbisita sa ospital.
Apisar nga indi na mahambal ukon makalakat ang iya asawa, si Chen nagapabilin sa iya tupad kag padayon nga gina-istorya ang iya asawa agud nga mapabako d sini ang huna-huna.
Masobra 50 ka tuig na sila nga mag-asawa kag bangud sa iya dedikasyon, pila ka mga hospital staff kag iban pa nga mga tawo ang nagbulig sa iya transportasyon agud nga mapadayon ang pagbisita.
Gani sa aton nga mga ka-bombo aton gid hatagan tiyempo ang magagmay nga mga bagay samtang buhi pa kita kay kon agud sa ulihi wala kita sang hinulsulan.
