-- ADVERTISEMENT --
Patay ang isa ka 84-anyos nga babae matapos masunog ang gina-istaran nga ancestral home sa Kabankalan, Negros Occidental.
Base sa inisyal nga imbestigasyon sang mga otoridad, ginapahayag nga may kaupod ini sa ila nga panimalay apang yara ini nagatinir sa ikaduha nga panalgan bangud indi na ini makalakat.
Wala na maluwas ang nasambit nga senior citizen bangud sa madasig nga pagdaku sang kalayo nga gilayon nga nagtupok sa balay.
Sa subong, padayon ang imbestigasyon sang otoridad sa ginhalinan sang sunog nga naglab-ot sa masobra P400,000 nga kahalitan.
