ROXAS CITY – Patay na ang siyam ka tuig nga bata nga nalumos sa Barangay Basiao, Ivisan, Capiz. Ginkilala ang biktima nga si Romualdo Quirao Jr., sang Barangay Mianay, Ivisan.
Ba-se sa panaysayon ni Romualdo Quirao Sr., amay sang biktima nagpaligo sila nga magpamilya sa Basiao beach bilang selebrasyon sa kaadlawan sang iya bayaw.
Apang nagkinagula sila sang nagpalapit ang lalaki nga may diperensiya sa paminsaron kag wala na madiparahan pa ang biktima.
Sang magtawhay na ang tanan ginpangita ang biktima, apang sang ginpamangkot ang pakaisa, nga gin-alegar kaupod ni Romualdo Jr., ginpanginwala sini nga magkaupod sila.
Naglab-ot sa isa ka oras antes nakita sa idalum sang tubig ang menor de edad sa diin sang gindala sa ospital, gindeklara ini nga dead on arrival.
