ROXAS CITY – Natrauma ang siyam ka tuig nga dalagita matapos ginaalegar gin-abuso sang lolo sa isa ka barangay sa banwa sang Cuartero, Capiz.
Nagduda si Alyas Inday nga may ginatago nga problema ang anak nga si Alyas Nene matapos makita ini nga nagakatulala kag nagakadlaw kun nagaisahanon.
Sa interview sang Bombo Radyo Roxas sa iloy sang menor de edad matapos matalupangdan nga may pagbag-o kay Alyas Nene gilayon niya ini nga gin-estorya sa diin sang ulihi nag-ako ang anak nga gin-abuso sang iya nga Lolo Jun ALog.
Suno pa sa ginang nga nahinabo ang pag-abuso sang suspek sa iya nga anak sang nagligad nga tuig sa diin ang pinakaulihi sang Disyembre 2019.
Bangud ginabilin sang amay si Alyas Nene sa asawa ni Jun Alog nga iya tiya sa tagsa ka magkadto ini sa trabaho, kampante man ini nga yara sa maayo nga kamot ang anak.
Apang lipod sa iya nga ihibalo, ginahatagan sang lima ka pesos sang suspek ang dalagita para mahimo sini ang malain nga buko.
Nadugayan pa antes makasugid ang biktima, bangud ginpahog pa ini sang suspek nga pagapatyon kag ang iya nga amay kun magpanugid.
Bangud sa natabo, indi na luyag pa sang biktima nga magbalik sa balay sang amay kag nagpabilin na lamang ini sa poder sang iloy.
Nahibaluan nga madugay na nga nagbulagay ang ginikanan ni Alyas Nene sa diin naga-estar ini sa balay sang amay bangud may kaugalingon na nga pamilya ang iya nga iloy.
Samtang santu sa medical result nga wala sang laceration sa kinatawo sang biktima.
